Les mots surlignés font l'objet d'une note
1Monsieur, par mon filz, présent porteur, je vous veulx bien remercyer
2les nouvelles dont m’avez faict part, desquelles j’ay despartyz
3à monsieur le cardinal et à monsieur de Joyeuse. Le dict sieur
4de Joyeuse m’a envoyé icy par deulx foys, comme tous ses
5voisins de la Religion s’assemblent, disants qu’ilz sont tous mandez
6sans touttesfoys qu’il luy en apparoisse nul mandement du roy
7et désiroit scavoir sy ceulx de ce pays icy bougent poinct. Je luy
8ay mandé qu’il n’en estoit poinct de nouvelles et s’il en estoit
9quelque chose, que je m’asseure que vous le scauryez. Ilz en sont
10bien fort en alarme. Je croye que ce sont quelques particulyers
11qu’ilz se veullent acheminer en Flandres, car sy la chose estoit
12généralle, vous l’auriez jà sceue. Je me recommanderay humblement
13à votre bonne grâce, priant Dieu
14Monsieur, vous donner très bonne santé, très heureuse
15et longue vie. De Suze, ce XVIIe de juilhet 1572
16Votre plus affecttionné
17et obéissant
18Suze
19